Økologiske urter frå Nordgard Aukrust

Å innta frukosten på trappa med ein døsig pusekatt ved sidan av, rusle berrføtt i graset, klø ferske myggstikk og nyte lange sommarkveldar utandørs - det er sommar og ferie :D Sommar betyr også ferske krydderurter i hagen, men for dei av oss som ikkje har egen hage eller av andre grunnar ikkje har anledning til å dyrke urter sjølve i sommar finst det råd. Under Lomseggen i Lom ligg Nordgard Aukrust der eit stort antal urter blir dyrka økologisk. Smakrike tørka krydderurter som gjev maten det vesle ekstra og velgjerande urtete er blant varane du finn i gardsbutikken. Varene kan også bestillast på e-post/fax/post, bestillingsliste med prisar (eks. mva) finn du her. I tillegg kan du kjøpe gavepakninger med krydder og te - ei perfekt gåve til matglade venner. Til glede både for smakslaukane og miljøet.